الزواج علينا حق

من طرف الاسكندر 18.08.11 22:38

السلام عليكم ,,

اني بطبيعة الحال كائن حي ذو طموح و ذو كرش راح ادخل بي موسوعة جينيس?????????????

اي ما دام ما اكدر ادخل بي لبيتنة خل ادخل بي موسوعة خضير قصدي حجي جينيس الله يرحمة و يرجعه بالسلامة من موزمبيق ,,

و بما انه الزواج نهاية كل رجل طموح , و طموحي اكمل دراسات عليا الى ان اوصل مرحلة بعد ما انوش (شنو) , فلهذا اني بعدني ما متزوج ,,

بس مرات واحد يصفن انه اذا اتزوج شلون راح يتزوج (مو قصدي شلون شلون سترو علينه)

بس قصدي شلون راح يتعرف عليها و التفاصيل الدقيقة هاي ,, و مواصفات بت الحلال ,,,

المهم الزواج وراية وراية لهذا اخر فترة اخاف اتلفت وراية ,,

شلون اعلن للناس اني راح اتزوج

ممم خل نشوف هاي

ان وعد الله حق

بمزيد من الاسف و ال يبوو انعى لكم العريس فقيد الدياحة العراقية الماسوف على عزوبيته الشاب .......

الذي سيتزوج اثر خطوبة مؤسفة ,,

هذا و ستقام الزفة على روحه الطاهرة في نادي الصيد من الساعة 6 و حتى الساعة ال 11 مساءا

و الدعوة عامة لجميع الذين يريدون يتشمتون

مثلا

اني ما اعرف جنت انعزم بحفلات و اصخم الدنيا صخاما شديدا ,,

اقرب شي قبل اسبوع تقدمت للمكان اللي بي كراسي العروسة و العريس اني عبالي كراسي مال حلاق

شو تشبها كتلها للعروس بس تحديد هاي صفنت بوجي اني هم استحيت كتلها سوري اكيد حاتة مثلج بس لحية ,,

العريس كام يبجي و يصيح اريد امي و انلاصت ,,

لو القبلها من رحت للعريس و العروسة اصابني حول مؤقت بست العروسة و كلت للعريس من بعيد الف مبروك اختي بالرفاه و الخنّين ,,,

و طبعا جلقوني من العرس ,,,

و تبقة اخر جفصة اول البارحة من شفت ابو العريس بحفلة زواج ابنه كتلة اخر الاحزان حجي الحجي باوعلي و اشرلي باصبع رجله الجبير باتجاه الباب كانه ديكلي اطلع ,, و اصبعه مبين لان جان لابس قاط و شحاطة اديداس

اني ما اريد امر بهيج موقف ,, و المشكلة الزواج وراية وراية ,,

اني كاعد بكرسي و ووحدة بصفي هم كاعدة على كرسي اباوعلها و اسويلها بيدي هلاو عود دا اتحارش بيها و اضحك

و هاي بكل فطارة هههههه و تنصي وجها تباوع بالكاع اني هم اباوع بالكاع عبالي واكعة منها ورقة ام ال 25000

تالي اكتشف ورة فترة انه الاخت مستحية لو تعال شربها شربت و هي اتشربك زين طلع قياس حلكي 44

و الكلاص ولادي شلون لو اوكلها قطعة من الكيك اني شمدريني شكد لازم افوت الجطل جوه حلكها اخذني الواهس

وفوتت وفوتت لكيت الجطل ضرب المرارة وين انطي وجي و الاهم شلون اطلع الجطل مو فلوس

عالم هاي و يشتكي عليه ابو القاعة و يفوتني سجن و اكل تبن و اني ما احب التبن لان يهيج عندي عرك النسا

جدي الله يرحمه قبل ما يتوفه لان مات كلش هو سالته جدو اذا كبرت و صرت بطول الزرافة اتزوج لولا

جدي ضحك هع هع و كلي ابني بالحالتين راح تندم

ايييييييييييه

الزواج علينة حق

من طرف **أبو مريم** 19.08.11 4:10

ما تگلي منين تجيب هذا التحشيش

شكرا"

الزواج علينا حق

الزواج علينا حق

رد: الزواج علينا حق