منتديات ملتقى الأسكندرية


عزيزي الزائر عزيزيتي الزائرة

يرجى التفضل بتسجيل الدخول أذا كنتم أعضاء معنا
أو
التسجيل أن لم تكونو أعضاء وترغبون بالانظمام الى أسرة المنتدى

سنتشرف بانظمامكم والتسجيل


شكرا"
أدارة
منتديات ملتقى الأسكندرية

وردة حمراء

البنات والركي

استعرض الموضوع السابق استعرض الموضوع التالي اذهب الى الأسفل

جديد البنات والركي

مُساهمة من طرف الاسكندر في 20.08.11 23:23

[size=16]السلام عليكم ,, اكو تشابه بين البنية و الركي؟ هسة يجي واحد يكلي ابني انتة اتخبلت لو صار بيك خرف مزمن لو تقعر بخلايا المخيخ لو علباتك صار بيها ضمور لو تعفن بابطك ؟ شجاب البنات عال ركي ؟ الركي فاكهة البنات خضرة , قصدي كائنات حية وين الرباط ؟ هسة اكلكم الركية حسب الشكل رقم واحد تتكون من 3 اقسام ( لا اتدورون عال شكل 1 اصلا ماكو)

1- اول جزء بالركية كشرها ,,, و اللي طبعا نذبه و ما نحتاجه ,, و ما بي اي فائدة اللهم الا اذا واحد اخذ الكشر فصلة كاسكيتة و هم مراح يطلع حلو او مثلا ياخذ الكشر يشمره على صلعيته جوارينهم لان كطع الواير مال مولدة مثلا ,, شنو كشر البنات و اللي مابي فائدة ؟؟
أ- المبالغة بالبجي ؟ شافت نور طنكرت على مهند ثاني يوم نص بنات الكلية ما مداومات اهيء اهيء خطية مهند راح يتطلك , قصدي راح يطلك نور , ادري ,, روحو لمحكمة الكرادة شهدو ويا هو شبقة , اتصورو حتى من تثرم خيار عيونها اتدمع !! البنية هي الكائن الوحيد اللي الغدد الدمعية مالتها لها قابلية الربط مع اي تانكي باي سطح , مرة عدنة بالكلية بنية اخذت 13 من 20 بنص السنة بجت بجي بحيث ردت اخابر واحد من فينيسيا يدبرلي طلبية 3 مشاحيف فور ويط , قصدي ويل لان اكو اشتباه انه راح نغرك , تسونامي فلانة , يلا ما نريد نجيب اسمها الله يرحمها اكيد ماتت لان بكل بجية يمكن جانت تنزل كيلو

ب-التزمت و المبالغة في التصرفات ,,ما اعرف ليش مرات احس اكو بنات من يشوفون واحد يخنزرون عليه راسا اتذكر الاشعاع مال كريندايزر من جان يطلع من عينة يعلس بي الاعداء (صدك اكو حلقة بكريندايزر على اساس دايسكي يلكة لاصقة بالمركبة مالته و عمليات بغداد يعتقلون هيكارو هية المدبرتها؟) المهم , مرة ردت اسلم على بنية شوية و تكلي جيب ورقة من رئيس القسم اروح اني مثل الخبل مقدم طلب نرجو التفضل بالسماح انه نكول لفلانة هلو ,, يجيني التهميش عال طلب لا مانع بشرط التاكد انها لا تحمل في يديها الات جارحة تهجم بيها الحرم الجامعي على راسنة و راس الشارع و حتى راس الرجاء الصالح (هو صالح مو؟) ,,

ج- النكنكة و التدردم (لحد يكلي كاتبها غلط لان 10 مرات اعدل بيهن لدرجة ردت اكتبها بالانكليزي) ... و هاي تظهر بصورة بحتة بطبيعة الحال بعد نهاية اي رجل طموح , قصدي الزواج , وديني لبيت امي , لبيت امي وديني , وديني لامي بيت , كل الطرق تؤدي الى بيت اهلها الي ما اتصور جان بروما فد يوم ,, هاي الطماطة ليش امفعصة ؟ تحاول تقنعها انه اصلا انتة مجايب طماطة هذا خيار سمنان و مستحي ماكو فايدة ,, تبقة مصرة , اشتري اريد هدوم ,, اريد هدوم ,, هدوم هدوم هدوم دوم دوم وووووووم و تبقة وووم اتون باذنك الى ان تفكر جديات تقلب البيتونة بوتيك بس حتى تخلص من نكنتها , حتى لا تخلص انتة نفسك بعد عمر طويل فد 12 مترة و نيّف

2- الجزء الثاني بالركية اللب الاحمر و هو الشي اللي ناكلة و نكول الله شكد طيب طبعا راح تطلع ااا اد ييب لانه حلكنة حيكون مليان مراح نكدر نكولها صح , شنو اللب بالاحمر بالبينة ؟

- أ-شكلها ,, محد ينكر انه اجمل شي خلقه رب العالمين سبحانه و تعالى هو البنية سبحان الذي خلق فصور و ما اتصور اكو ولد اذا فاتت بنية حلوة ميباوع عليها مو علمود شي بس لمجرد انه كلنة نحب نشوف الشي الحلو (الموضوع ماله علاقة بالشكر , صدك راح يوزعو بالقصة , قصدي الحصة؟ ) خاصة لمن اتحط مكياج اللي يكلبها من فخرية لنيفين بخلال ربع ساعة , مرة شفت بالشارع بنية تخبل ظليت مسطور لدرجة فتت على ابو الفرن و اني جنت رايح للصيدلية ما شفت نفسي الا دا اكله حجي شريط براسيتول حجري فدوة ,,كل البنات كشكل حلوات و مرتبات (بخت!)
[/size]
avatar
الاسكندر
عضومشارك
عضومشارك

عدد المساهمات : 42
تاريخ التسجيل : 18/04/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى