كلمات لروح الشهيد الغالي بلال الآلوسي:

من طرف طيف تركي 27.05.11 20:19

معذور عني بعدت وادريها مو بيدك
وادري القدر غافلك والدنيا ما تريدك
وادريك تطلب شوفتي واني اكثر اطلبها
بس الوكت بالغصب خلاني ماجيلك
يا خوي لمن رحت بيه اكثرت الهموم
وكلبي بغيابك بچه والروح تبچيلك
والعين ماشافت فرح يوم الغبت عني
تذكرتني من چانت تجي وعن همها تحجيلك
وضلوعي مابطلت تون راح السكن بيها
تذكرني لو چانت تون تريحها بيدينك
يا خوي دنيانه صفت بس للعكارب بيت
لو عكرب تسم الخلك لو موتك يجيلك
مرات اكول شبالعجل الموت جالك ينتقم
ولو ليلي جاني بظلمتة اتمنى امشيلك
يا خوي ترة معزتك مو ذكريات وبس
انت الهوى الجان الي وانفاسي تدعيلك
يلعن ابو هالوكت مني خذاك بساع
ورصاصة من مجرم اجت عالغدر ناويلك
الرصاصة باست كصتك ودمك عطر من فاح
والكاع ام وبجت من كمشت يمينك
يا كاع حظنيه بلطف واسكيچ من دمعي
ويالحد وسع لاتضيك ارحم شهيدك
مبروك عريس ورحت والناس اتهلهل
نعم الشهيد البطل بالجنة ندعيلك