منتديات ملتقى الأسكندرية


عزيزي الزائر عزيزيتي الزائرة

يرجى التفضل بتسجيل الدخول أذا كنتم أعضاء معنا
أو
التسجيل أن لم تكونو أعضاء وترغبون بالانظمام الى أسرة المنتدى

سنتشرف بانظمامكم والتسجيل


شكرا"
أدارة
منتديات ملتقى الأسكندرية

وردة حمراء

ماذا تفعل لو حدث لك مايلي

اذهب الى الأسفل

جديد ماذا تفعل لو حدث لك مايلي

مُساهمة من طرف الاسكندر في 14.06.11 23:36


دا تمشي بالشارع و على فجأة ,, فات بسمار بطركة حذائك \ حذائج ,, شسوون ؟؟؟


ا- توكفون بنص الشارع ولا حركة مثل تمثال السعدون تنتظرون البمسار يضوج و يطلع من كيفة مثل ما طب

ب- تنزعون الحذاء و تكعدون اتلطمون

ج- اتطلعون البسمار و اترزلوه و اتكلولة ايا بمسار يا ابن البسمار شكو طبيت ما تستحي ما عندك اخوان بسامير صغار ؟ هو موصج صوج الجاكوج اللي رباك ,,,

د- اتكملون مشي و انتو اتعرجون أخ أخ أخ أخ أخ أخ



(خاص للشباب فقط)

2 - دا تحجي وية بنية جكمة و فاتت بصفك وحدة اتموت جمالها 9 رختر ,,

ا- تكول امدايه بصوت عالي

ب- تظل تباوع عليها الى ان الجكمة اتضوج

ج- ما اتباوع بس انتة اللي راح اتضوج !!

د- تعوف الجكمة و تمشي ورة الحلوة و اتغلس عال جكمة و هية دا اتصيح عليك ,, ولك وين يمعود خلي اكملك من حركت التمن و اهلي اتغدو فلافل ,,,




3- انتة \ انتي كاعدين بمحاضرة و بطنكم غازات و كامت اتقرار بصوت عالي لان نسيتو تتريكون (صارت بيه مرة)

ا- تغني يمة كرصتني العكربة بصوت عالي بنص المحاضرة حتى اتغطي على صوت القرقرة فيضطر الدكتور ايأشر عليك و بنفس الاصبع اياشر عال باب وراها

ب- تاكل اي شي كدامك ,, ورقة من دفتر مساحة او مقطاطة بلكت يوكف الصوت

ج- تكتب قطعة على a4 كاتب بيها (مو اني) و تكوم على حيلك بنص المحاظرة و تشيلها عبالك طالع مظاهرة زيادة الرواتب

د- تغلس و تدعي من الله تخلص المحاضرة قبل وكتها بساعتين




4- اتعرفت على وحدة بالجات و طلعت منتوفة الجهرة زعبولة القامة كعبولة الكصة و مصخمة التقاطيع و بخشمها اثر مال موس قديم ,,,

ا- تغلس و اتصيح على ابو التااااااااي هوووب حجي رجعني وياك لبيتنا

ب- تفوت من يمها و تغلس بلكت تتعرف على غير وحدة

ج- تفوت من يمها تنطيها 250 حتى اتكفر عن الذنب اللي سويته انه تعرفت على هيج وحدة جكمة

د- تسلم امرك لله و تروح عليها و اتكلها سجلي بيتكم باسمي حتى اكبل وياج





5- دا اتشسورين شعرج لان عندج طلعة مهمة (معزومة بالحنة مال اخت ابن عم رجل خالة جوارين ابو صديقتج) و انطفة الكهرباء على غفلة و نص شعرج مبلل


ا- تزينين صفر و تحلين المشكلة و تروحين اتكليلهم هههههههه باعو المودة الجديدة ههههههههههه زيان صفر ههههههههههههههههه حلوة مو ؟ ههههههههههههههههههه

ب- تغطين شعرج بكونية مال شكر و تطلعين

ج- تضربين شعرج اوتي و تطلعين و كل ما احد يحجي حجاية فطيرة وياج اتكليلة لا والله اصلا حطيته على اول درجة
د - اصلا اتغلسين و ما تروحين و تكعدين تتفرجين حلقة ميرنا و خليل للمرة 12



6- بنص الكيا كاعد و حكيت خشمك و طلع دم


ا- تبجي و تطلب من سايق الكيا لو ايوديك لاقرب مستشفى لو ينطيك جكارة ميامي من الباكيت مالته

ب- تندار عال حجي اللي كاعد بصفك و تطلب منه كلينس بصوت عالي 5 مرات لان حاسة السمع عنده الله كريم ,,

ج- تمسح بالردن مال قميص و تغلس على كلمة عيييع من حاتة كدامك حاطة ام بي 3 و دا تسمع البوم رابح صقر الجديد حتى اتكضي ال 5 ساعات جوة الكيا

د- تفوت اصبع رجلك الجبير بخشمك حتى اتوكف النزيف و تطلب كلينس حتى تمسح اصبع رجلك




7- امج كلتلج روحي للمطبخ طفي التمن اللي عال نار


ا- تفوتين للحمام و اتصيحين بصوت عالي الطباخ انباك

ب- تفوتين للمطبخ و اتصيحين يوم العين مال طباخ منين اسويلها shut down

ج- تغلسين و اتكملين قراية مجلة بطوط مال جهال اللي جنتي تقريها

د- راسا اتجاوبيها طفيته من الميزانية



8- دا تتمشة انتة و خطيبتك و فجاة اتزحلكت و انفتك البنطرون و طلع صوت برييط


ا- اتصعد خطيبتك بتااااااااي و تكعد بنص الشارع اتدك و تلطم على بنطرونك المفتوك و العالم تتجمع عليك عبالهم ميتلك واحد بزلزال هاييتي

ب- اتغلس و تمشي وية خطيبتك و بين فترة و فترة اتكللها ترة البنطرون مال جدي الله يرحمة مو مالتي و اذا تباوعين على بنطروني اعتبري ال 13 سنة خطوبة شفت و ديليت

ج- اول واحد تشوفه لابس بنطرون بالشارع اتوكفه و اتكلة اترواس و انطيك فرق سحاب و مناظر ؟

د- تنزع البنطرون بنص الشارع و ,,,, (عوفو هذا الاختيار لا اروح اتبند)



9- كاعدة بصاج الريف دا تاكلين وية صديقاتج و طلعتلج باللفة ذيل فارة مكصكص قطع


ا- تكملين عادي عبالج سباكيتي

ب- يغمى عليج و يحاولون يكعدوح ماكو فائدة و يجي مدير المطعم يلطم عباله احد اننتل

ج- اتطلعين الذيل و اتكملين اكل لان دافعة بيها 5000 دينار

د- اتفتحين اللفة بلكت تتعرفين على الفار نفسة و اتحاولين تساليه شديصخم جوة الصمونة و اتحاولين اتقنعيه انه هاي لفة مو مشتمل



10- رحت للحلاق و جان سكران و بدال ما ايحددلك مثل كل مرة ضربك مكينة و قبل ما تعترض لكيت نفسه شعر سيز و مزين صفر


ا- تضرب الحلاق راشدي و اتفوت الحدين مال مكص بالفتحتين مال خشمه

ب- اتجتف الحلاق و اتزينة صفر عدا وسط شعره يطلع جنة نخلة

ج- تبجي و تلطم و تسال الحلاق وين اقرب مكان يبيعون بي كاسكيتات

د- تتحجب لمدة شهر

avatar
الاسكندر
عضومشارك
عضومشارك

عدد المساهمات : 42
تاريخ التسجيل : 18/04/2011

الرجوع الى أعلى الصفحة اذهب الى الأسفل

جديد رد: ماذا تفعل لو حدث لك مايلي

مُساهمة من طرف ابوالايهم في 15.06.11 2:17

موضوع شبابي ((( كلش ))) بيه الطرافة والمرح ...بيه بعض الواقع .. ولكن أجمل مافيه هو النفس الشبابي العراقي .. حيا الله الأسكندر ..وتقبل مروري
avatar
ابوالايهم
عضو فعال
عضو فعال

الجنس : ذكر
عدد المساهمات : 84
تاريخ التسجيل : 20/05/2011
العمر : 45

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى