شعر :- ماصاحب بعد صحباني نصهم زور

من طرف صلاح حسن 17.04.12 3:16

ماصاحب بعد صحباني نصهم زور

مابيهم وفي وبي شدة احزام

حتى الاوفى واحد بيهم يجوز

وره يومين هم اتغيره لأيام

سدو باب كلبي وضلعي كسروه

وجرح تركو بكلبي من اول العام

لذلك قررت صحبان ماريد

جرحوني وبقيت الليل مانام

ماافزع وراهم من يصيحون

واتفرج عليهم من وره الجام

جنت انكل وفه وانطيهم عيون

وانطوني وفاء بهيئه اصنام

وسط روحي جنت بانيلهم بيت

بس اطفال جنهم .. كسروا الجام

والي صاحب شكلك دكته اوياي

جن دكة شمر من طك الأيتام