أجه رأس السنة وبعمر راسي الشيب

أجه رأس السنة وبعمر راسي الشيب
واباوع عل الحزن ماألكه أفراحي
أجه راس السنة وشلون أجيب شموع؟
لكيت الوكت عندي ايطفي أجراحي
كبر سن العقل..وعقلي بعده يموت
وكل فكرة التجيني اتشلع ابراحي
مو كتلي اجيلك بس انتظرني هناك
واجه حتى الكمر من طلعت اصباحي
تعااااااال انت وخيالك ماريد هاي الناس
صرت آنه شهيدك وانت ذباحي
واذا سألوني بوفاتي ليش انت تموت
اكلهم مامتت بس غلطة اسلاحي
انه عندي الربح من احجي انه وياك
واذا بس نظره منك يزدادن ارباحي
واذا عندك زعل لاتحجي بالمكلوب
ولاتحجي بهمس وتعاتب اشباحي
تعال اقراني يمي واحجيلك المضمون
ولك حبك ذهب دونته بألواحي
ارماحك عالجن كل الجروح وياي
ومن شافنني انزف...ظل يبجن ارماحي
انخلتني انت بألم وهزيت روحي وياك
وصفه من النخل بس ذرة اصفاحي
وكتبت آنه العشك من بعد روحي وياك
والله وياك كتلي وماتت ارواحي
حازم العدنان