الى من لايستحق حبي وصداقتي له؟؟

من طرف طيف تركي 27.05.11 20:07

من صبر لصبر وضاعت
ايامي وياك

واني من الصبر
كل عمري ضيعته

كل هذا إعله مودك
وانته ما حسيت

رحت لشخص ثاني
وكلشي سلمته

مثل دمعة يتيم
الگلب جان وياك

وانت بكل صلافه
تگلي مشكلته

مابيه احتمل منك
بعد صدمات

گلت بسكته اعوفك
صرخت السكتة

جنت لو بس تمر
احسبلك الف حساب

واحس احسابي ضاع
بغربة تيهتة

وحس ~الساني يخدر
من اشوفك جاي

واحس بصدري ضاك
وعبرة خانكتة

الغيرك ما وعت
روحي و عت بك

واريد اليوم الومنك
و عاتبك

اجرك حيل يحبيبي
وعت بيك

انكطع جفي ولا
حسيت بيه

شحجيلك بعد ما
ظل حجي الينكال

اظن خير الكلام
وياك مــا قــــله

لان اشما اسولف
انته بيه تلوم

وعلى ابسط احجاية
أدور الزلة

مو هيج العشك احسبها
مرة وشوف

وخل گلبك يدلك
انته لـــدله

راح تشوف زين وتعرف
الموضوع

اليعشگ صدگ ما
يجرح بخله

ممنون على جرحك
هذا حظي ويا گ

وشكرا عل حزن و
الاه والعله

ولو يدري الجرح
ماخفت منه ابيوم

عمر النار ابد
ماخوفت دله

جنت بظلمة عايش
ضو اجيتك

او ولامر بحياتي
ضوجيتك

شهد كل عمري بيدي
ضوجيتك

ونكرت الزاد والعشرة
سويه