اسمه حبيبي

الى الچانت حبيبة گلبي هي للدوم
اريد ارسل كتابي السري والشخصي
موضوعه الوداع آنه انترست اجروح
كافي آنه اتعبت وشما اجى ايكفي
وبعد طيبة التحية وعدد والتاريخ
اريد انساچ يل چنتي بعد عمري
قررت انتفارگ يكفي منچ آه
متحمل بعد دمعة وألم مخفي
ولا اريد انذكر يمچ أنا بيوم
واذا انذكر چنچ شخص متعرفي
واذا بيچ اني افكر اضرب الروح
واگومن من مكاني واگعد بصفي
ماريد المكان اليذكرچ وانساه
لأن انتي الي متذكرين صرتي
ختاماً شكراً اعلى ايامي وياچ
وعلى كل لحظة حلوة وياي عشتي
توقيع وختم گلب انذبح بايديچ
اقصد شخص چان اسمه حبيبي