عـــفـــتـــــــــني

عـــفـــتـــــــــني
يَلِمْجَافِي بْصُدُوْدَك لا تِرُوْح بْعِيْد
لِأَنْ رُوْحِي عْلَى بُعْدَكْ لاتِظِنْ تِگْدِر
خَاوِيْتِ الحِزِنْ وِالحِزِنْ مَا يِنْرَاد
جِبِتْهَه مِنِ الطُّفُولَة عَّلَى الهُمُوم أسْكَر
يل هجرك يسهَّل چِلمة الياويل
أحِسَّنهه البواچِي تريد تتحدر
عفتني وتدري بـية شكثر مشتاگ
وتدري خدي من الدمع يتبتر
يل خدك عنب والشفايف توت
حقك لو ردت بالحسن تغتر
تترهدن بمشيك يا حلاة البيك
مثل مشية غزال بزودة يتبختر
ما شايل خدود على الوجه شمام
ورموشك يا حبيبي سيوفهن تنحر
يلمعلم العيون شلون تبچي عليك
صرت آنة الرهينة وبيدك الخنجر
ويغار الورد لو يسمع بطاريك
لأن يدري الوضع لو جيت يتوتَّر
يا دمعة ليالي يبات بيهة الشوگ
ويا ريحة شتل من ريحته اتعطَّر
ويا حل لسؤالي الچنت بيه مضنوك
و يا ضحـچـة فقير و بالغنـى اتبشَّر
وانة بنارك واصيحن هيِّج النار
ارتاح بعذابك يا ترف و اخدَر
وبيتني الحنين ابَّال مشدوه
فكر بس يافكر و الوعي تكتَّر
يضل يوم التغيب معكَّر الكيف
يل مسبب ونيني وكيفي المعكَّر
منين اجيت وجبت وياك الهموم
كل يوم اليمر همِّي وياك يكبَر
دمرتني ..جننتني ..حيرتني ..شلون
مامش غير لفتة ناظرك تسحَر
ياطاري الحنين ويا سوالف ليل
ويلمورِّد شفافك رَبَّك الأكبَر
ومن شفتك حبيبي گبالي مزيون
أحس بركان لهفة بداخلي تفجَّر
بهيدة وياي ..حبَّك ذبَّل العود
خطيتي برگْبِتَك ياترف يسمر...
خطيتي برگْبِتَك ياترف يسمر...