النهر الصافي - عريان السيد خلف

من طرف **أبو مريم** 23.04.11 3:36

النهر الصافي - عريان السيد خلف

تتجدد شباب وعينك امرايه
يشايلني ابرهاوة هيبتك رايه
وياشاتلني اعله جرفك..
عود بيه طرواك
وخضّر وانتشر وحچايته احچايه
يا نبع المحبه اشما تفيض ابزود
انا نهرك الصافي الماخبط مايه
انا وردة محبتك من يطيب البال
ونه ابعين اليضدك صرت سلايه
انا ابنك وافتخر بسمك وزامط بيك
ولو سيد خلف عتبته محنايه
يا بعد امهاتي اللين بس بالطين
ونته اتساهلت يمعود اهوايه
باگوا بيدرك.. واستسهلوا ملگاك
وكتلوا حارسك واجتازوا الثايه
وحطوك اعله صفحه وجابوا الغمان
صار بالچذب والصدگ نهايه
بسك طال حلمك والحلم لو طال
تتشتت الفكره وتبرد الغايه
يا صگر الجبال.. ويا عبير الهور
ويا حامي الحمى.. وتفگته امتچايه
يابو العيد عيدك كل سنه من ايلوح
يتجدد عزمنه ونهتدي ابرايه
يا هاوي الشمس والعافيه ابيمناك
كل احنه اعله درب النور حدايه
2- وعشگتك حلم
بالوحشه البعيده اتسافر اجفوني
وعشگتك من ونين النايحه الحره
التلم مجره الدمع من عينها اعيوني
وعرفتك تستحي من العايزه الجبحه
وتفل فل الظفاير سفة اظنوني
وتوسمتك نكش بچفوف بدويه
وذهب ليره
وشهامه.. اتوج شمس لوني
وتعودتك.. حليب الوالده الطيبه
وصبرها وشيبها اليتعب على امتوني
ونذرتك وجه للنجمه الجديده
ونايل وغايه...
سمارك عزتي.. وعشاگك اهوايه
عشير الكل عشير ايصونك ابروحه
وبري من كل وجه لو ما حفظ مايه
أشمك بالچفوف الطاهره الخشنه
وأشوفك بالوفي الگصته امندايه
وابورح.. لو هبوبك يلتگي ابارح
واخضر بالعطش من هيبتك دايه
آنه ابغيرك گمر ما شافته اولايه
آنه بغيرك گلب نيته امغطايه
ويظل طرواك نسمة بر...
لا يرخص شرفها ولا هي تتعثر
يمن طرواك.. خاوه الجدم والمعبر
يمن طرواك.. خاوه الجرح والخنجر
تعودتك شهامه وخوف ومكابر
وتعودتك محبه وليل ومسامر
حبيب وكل حبيبه اتبيع طاريها
ونت ما بعت طاري الراح والمجبل
يمنجلك ما يلف الردي من السنبل
يذل وجه اليضدك ونته أبد متذل..

الثلاثاء, 05 نيسان/أبريل 2011 08:41

النهر الصافي - عريان السيد خلف Arean%20al%20slsaed%20khalaf

من طرف **mstfkmmm** 24.04.11 7:06

عاشت ايدك اخي على المشاركة الجميلة نتمنى منك المزيد

النهر الصافي - عريان السيد خلف

النهر الصافي - عريان السيد خلف

رد: النهر الصافي - عريان السيد خلف